Oktyabrın 8-də Milli Olimpiya Komitəsi (MOK) İcraiyyə Komitəsinin iclası keçirilib. Sportnet.az-ın "AzərTAc"a istinadən məlumatına görə, tədbir MOK-un İcraiyyə Komitəsinin üzvü, Əməkdar İdman Xadimi Ələkbər Məmmədovun xatirəsinin yad edilməsi ilə başlayıb.
Daha sonra MOK-un antidopinq komissiyasının yaradılması, "Bakı-2015” birinci Avropa Oyunlarına hazırlığın gedişi, 2014-cü ildə Avropa Olimpiya Komitəsinin Baş Assambleyasının Bakıda təşkili haqqında məlumat verilib.
Tədbir yeniyetmələrin İkinci Yay Olimpiya Oyunlarının qaliblərinin mükafatlandırılması və MOK-un vitse-prezidenti Azad Rəhimovun "Olimpiya Ordeni” ilə təltif olunması ilə davam edib.
