Bakının "İnter" klubunun yeni idman direktoru müəyyənləşib. Bu barədə Sportnet.az-a klubun prezidenti Georgi Nikolov məlumat verib.
Onun sözlərinə görə, həmin şəxs hollandiyalıdır. Yeni klub rəsmisinin adını açıqlamayan Nikolov "Artıq o, Azərbaycana viza məsələlərini həll edir. Yalnız bundan sonra hamınız məlumatlı olacaqsınız və gələn həftənin əvvəllərində sizi təqdimat mərasiminə dəvət edəcəyik. İdman direktorumuz əvvəllər futbolçu olub, amma deməzdim ki, məşhurlarındandır".
Nikolov bildirib ki, yeni idman direktoru baş məşqçi Kaxaber Tsxadadzeyə kadr, transfer, əvəzedici heyətlə iş və digər məsələlərdə yardımçı olacaq. Kiminlə çalışacağına da məhz o qərar verəcək.
