"Neftçi”nin əvəzedicilərdən və 19 yaşadək futbolçulardan ibarət komandalarına yeni baş məşqçi təyinatları olub. Sportnet.az-ın klubun rəsmi saytına istinadən məlumatına görə, əvəzedici heyətin sükanı arxasına U-19 komandasından Samir Əliyev gətirilib.
O, hazırda AFFA-nın təşkil etdiyi "A” kateqoriyalı məşqçilik kurslarında iştirak etdiyindən, əvəzediciləri "Xəzər Lənkəran”la oyuna məşqçi Səttar Əliyev çıxaracaq.
Bundan başqa, "Neftçi”nin U-19 komandasının baş məşqçisi vəzifəsinə Azər Bağırov təyin olunub. Bağırov isə bu təyinatadək "Qəbələ" Futbol Akademiyasında məşqçi kimi çalışıb.
