"Bu, biabırçılıqdır. Oyunda bizim gördüklərimiz biabırçılıq idi. Hakimlik utandırıcı idi". Sportnet.az-ın məlumatına görə, bunu Fransa "Sent-Etyen"inin baş məşqçisi Kristof Qaltye "Qarabağ"la Avropa Liqası matçından sonra deyib.
Qaltye oyunboyu hakimlərin yanlış qərarları ilə qarşılaşdıqlarını bildirib: "Biz tez-tez Fransadakı hakimlikdən danışırıq. Amma beynəlxalq oyunlarda nələrin baş verdiyinə də nəzər yetirməliyik. Biz oyunboyu hakim maneəsinə tuş gəldik".
Qeyd edək ki, matç 1:1 hesablı heç-heçə ilə nəticələnib. Fransa tərəfi "Qarabağ"ın hücumçusu Vüqar Nadirovun qol epizodunda əllə oynadığını iddia edir.
