Futbolçuların transfer məbləğləri üzrə ixtisaslaşmış məşhur "Transfermarkt" portalı 2014-cü il dünya çempionatının startı öncəsi simvolik yığmanı tərtib edib. Sportnet.az-ın məlumatına görə, komandaya meydandakı mövqelər üzrə qarşıdakı mundialda iştirak edən 11 ən bahalı futbolçu daxil edilib.
Oyunçuların böyük hissəsi İspaniya və Almaniya çempionatlarını təmsil edirlər. Onlardan ən varlısı Argentina yığmasının kapitanı Lionel Messidir. Messinin dəyəri 106 milyon funtdur. Portuqaliya yığmasının 88 milyon funt dəyərə malik yarımmüdafiəçisi Kriştianu Ronaldu ikinci, Braziliya millisinin 52,8 milyon funtluq forvardı Neymar isə üçüncüdür.
"Arzuların komandası"nın ümumi məbləği 500 milyon funtdur.
