Argentina yığmasının baş məşqçisi Alexandro Sabelya DÇ-2014-də ilk qələbələri barədə fikir bildirib. Sportnet.az-ın məlumatına görə, Bosniya və Herseqovina üzərində 2:1 hesablı qələbədən sonra mütəxəssis Messinin komandaya hansı dərəcədə təsir etməsini də şərh edib.
İlk yarıda oyuna nəzarət etdiklərini bildirən Sabelya, İquaini Messi və Aqueroya köməyə atdıqdan sonra, son zamanlar Argentinaya xas olan futbolu sərgiləməyə başladıqlarını dilə gətirib. Messini dünyanın ən yaxşı oyunçusu adlandıran məşqçi, yalnız bunun hesabına qələbə qazanmağın mümkünsüz olduğunu bildirib: "Bundan savayı, həmişə konret vəziyyət olur. Bu amil Messinin sadəcə, meydançada olmasından daha vacibdir".
