ABŞ-nin məşhur dağ xizəkçisi, olimpiya və ikiqat dünya çempionu Lindsi Vonn İtaliyanın Milan və Kortina-d’Ampezzo şəhərlərində keçirilən Qış Olimpiya Oyunlarında ağır zədə alıb.
Sportnet.az "Sky Sports"a istinadən xəbər verir ki, 41 yaşlı idmançı sürətli eniş yarışları zamanı yıxılıb və ayağında sınıq aşkarlanıb.
Vonn dərhal yarış trasından helikopterlə xəstəxanaya çatdırılaraq, Trevizo şəhərində əməliyyat olunub. Hazırda onun vəziyyətinin stabil olduğu bildirilir.
Qeyd edək ki, Lindsi Vonn 2019-cu ildə ciddi zədə səbəbindən karyerasını başa vurduğunu açıqlamışdı. Lakin o, 2024-cü ildə diz oynağının dəyişdirilməsi əməliyyatından sonra peşəkar idmana qayıtmışdı.
Buna baxmayaraq, ötən ay Vonn dizində ön çarpaz bağın qopması ilə üzləşsə də, Olimpiada-2026-da iştirakdan imtina etməmişdi.
Təcrübəli idmançının olimpiadadakı gələcək çıxışı ilə bağlı qərarın tibbi müayinələrdən sonra veriləcəyi gözlənilir.
