Formula 1 üzrə Sinqapur Qran Prisində maraqlı hadisə baş verib. Sportnet.az-ın məlumatına görə, yarış zamanı trassa böyük kərtənkələ çıxıb.
Bu barədə "Red Bull"un pilotu Maks Ferstappen komanda ilə radio əlaqə zamanı bildirib. "McLaren"in sürücüsü Fernando Alonso da sosial şəbəkədə canlıların yola çıxmasından söz açıb. O, Kanadada keçirilmiş Qran-pridə küçə itlərinin trasa çıxdığını yazıb.
Bu cür hadisələr digər Qran-prilərdə də baş verib. Avstriyada maral, Malayziyada ilan, Azərbaycanda baş tutmuş Bakı Qran-prisində isə pişik pilotlara mane olub. Bundan əlavə bəzi Qran-prilər zamanı da heyvanların yola çıxmaları müşahidə olunur.
Qeyd edək ki, Bakı Qran-prisi 17-19 iyunda keçirilib.
