Şotlandiyanın "Seltik" komandasının futbolçusu Nadir Çiftçi ölkə çempionatının ilk oyunlarını buraxmalı olacaq. Sportnet.az-ın məlumatına görə, 22 yaşlı hücumçu ötən mövsüm "Dandi Yunayted"də çıxış etdiyi vaxt rəqib oyunçunu ayağından dişləyib.
Həmin vaxt Çiftçi meydandan qovulmayıb. Amma o, çempionatın son 2 matçını buraxmalı olub. Şotlandiya çempionatının İntizam Komitəsi günahını inkar edən forvardı 6 oyunluq cəzalandırıb.
Qeyd edək ki, Nadir Çiftçi "Seltik"ə yayda 1,5 milyon funt sterlinqə keçib. Bu klub Çempionlar Liqasın "Qarabağ"ın potensial rəqibidir.
