Azərbaycan boksçuları 6-15 oktyabr tarixlərində Qətərin paytaxtı Dohada keçiriləcək Dünya çempionatında iştirak edəcəklər. Sportnet.az-ın məlumatına görə, tamaşaçılar oktyabrın 6-dan 9-dək boksçuların ilkin qarşılaşmalarının şahidi ola biləcəklər.
Azərbaycan çempionatda 8 boksçu ilə təmsil olunur. İlk yarış günündə rinqə çıxacaq döyüşçümüz Rüfət Hüseynov (49 kq) mərakeşli İmad Ahyounla qarşılaşacaq. Lorenzo Sotomayor (64 kq) isə 1/32 final mərhələsində Kanadanı təmsil edən Artur Biyarslanovla döyüşəcək.
Şənbə günü 1/4 final, bazar günü və bazar ertəsi isə yarımfinal görüşləri keçiriləcək. Final görüşləri 14 və 15 oktyabr tarixlərinə təsadüf edəcək.
Qeyd edək ki, yarışlarda 73 ölkədən 257 idmançı iştirak edəcək.
