Macarıstanın Debretsen şəhərində boks üzrə beynəlxalq turnir davam edir. Sportnet.az-ın məlumatına görə, yarışda ikinci dörüşünə çıxan Albert Səlimov bu dəfə məğlubiyyətlə üzləşib.
2016-cı il Rio-de-Janeyro Yay Olimpiya Oyunlarına vəsiqə qazanan boksçumuz "Bakı 2015" I Avropa Oyunlarında qalib gəldiyi fransalı Sofian Oumihaya uduzub - 1:2.
Kamran Şahsuvarli (75 kq) isə ikinci görüşündə də qalib gəlib. Millinin üzvü norveçli Martin Larseni mübarizədən kənalaşdırıb - 3:0.
Teymur Məmmədov isə turnirə qələbə başlayıb. Həmyerlimiz macarıstanlı Adam Hamorini məğlub edib - 3:0.
Qeyd edek ki, yarışda 29 ölkənin 168 boksçusu mübarizə aparır.
