Azərbaycan cüdoçusu Nicat Şıxəlizadə milli komandanın heyətində məşqlərə başlayıb. Sportnet.az-ın məlumatına görə, təcrübəli idmançı 3 ay öncə Çin Qran Prisində ayağından aldığı zədəni tam bərpa edib.
Lakin həkimlər onun Almaniyanın Düsseldorf şəhərində sabah start götürəcək Qran Pridə iştirakına icazə verməyiblər. O və millinin digər üzvləri yarışdan sonra Almaniyanın Köln və Berlin şəhərlərində olacaq, təlim-məşq toplanışlarında iştirak edəcəklər.
Qeyd edək ki, Qran Pri üçün öncədən açıqlanan heyətdən zədəli olduğu üçün İlqar Müşkiyev (60 kq) və Şahin Qəhrəmanov (90 kq) çıxarılıb.
