"Avropa çempionatı kimi mühüm yarışlar həmişə çətin olur. Avropa və dünya çempionatı Qran Pridən, Böyük Dəbilqədən fərqlənir". Sportnet.az-ın məlumatına görə, bunu Rusiyanın Kazan şəhərində keçirilən Avropa çempionatında gümüş medal qazanan Orxan Səfərov deyib.
60 kq çəkidə mübarizə aparan O.Səfərov görüşlərin ağır keçdiyini bildirib: "Çox ağır oldu, amma medal qazandığım üçün sevinirəm. Çətin görüşlərim oldu. Finalda da qalib gələ bilərdim, amma məğlub oldum. Gələn il bu səhvi etməyəcəm, qızıl medal qazanmağa çalışacam. Məşqlərimiz, çəkdiyimiz əziyyətlər yerdə qalmadı".
