"Bakı 2017" IV İslam Həmrəyliyi Oyunlarında ümumilikdə 5 qızıl medal qazanan Azərbaycanın güllə atıcısı Ruslan Lunyov Almaniyanın Münhen şəhərində keçirilən Dünya Kubokuna qatılıb. Sportnet.az-ın məlumatına görə, 28 yaşlı idmançı ilk çıxışını başa vurub.
O, təsnifat mərhələsində 25 metrdən hədəfə sürətli atəş açmaqda 581 xal qazanıb. Beləliklə, Lunyov 60 snayper arasında 11-ci pilləni tutub və final mərhələsində iştiraka imkan verən ilk "altılığ”a düşə bilməyib.
Qeyd edək ki, Ruslan Lunyov bu gün 10 metrdən pnevmatik tapança ilə atəş açmaq yarışında da iştirak edəcək.
