Quba, Qusar və Xaçmaz rayonlarından olan 52 gənc və yeniyetmənin iştirakı ilə taekvondo idman növündə zona çempionatı keçirilib. Təşkilatçı "Nurlu Sabah Uşaq – Gənclər Təşkilatı” İctimai Birliyinin ictimaiyyətlə əlaqələr sektorundan Sportnet.az-a verilən məlumata görə, kütləvi tədbir Prezident yanında Gənclər Fondunun maliyyə dəstəyi ilə həyata keçirilən "Gənclər arasında sağlamlıq sahəsində kütləvi tədbirlərin təşkili” adlı layihə çərçivəsində baş tutub.
Açılış mərasimində təşkilatın sədri Ramin Xudayev deyib: "Gənclər Fondunun maliyyə yardımı hesabına ərsəyə gələn bu möhtəşəm yarışın keçirilməsinin əsas məqsədi yeniyetmə və gənc nəslin sağlamlığının idman vasitəsilə qorunmasına nail olmaqdır. Həyata keçirilən kütləvi tədbirlərin bu zonada yaşayan gənclərə böyük mənəvi–psixoloji dəstəyi var".
Yarış müxtəlif çəki dərəcələri üzrə olimpiya sistemi üzrə həyata keçirilib. Sonda qaliblər mükafatlandırılıb. Yarışda iştirak edən bütün idmançılara Gənclər Fondunun maliyyəsi hesabına hazırlanmış buklet və kitabçalar da hədiyyə edilib.
Yarış müxtəlif çəki dərəcələri üzrə olimpiya sistemi üzrə həyata keçirilib. Sonda qaliblər mükafatlandırılıb. Yarışda iştirak edən bütün idmançılara Gənclər Fondunun maliyyəsi hesabına hazırlanmış buklet və kitabçalar da hədiyyə edilib.
