Gələcək beynəlxalq yarışlara hazırlıqlarını davam etdirən Azərbaycan milli komandasının aparıcı cüdoçuları hazırda Çexiyanın Nimburk şəhərində təlim-məşq toplanışındadırlar.
Sportnet.az-ın federasiyanın rəsmi saytına istinadən məlumatına görə, beynəlxalq toplanış Avropa Cüdo İttifaqının təşkilatçılığı ilə baş tutub. Hazırlıq prosesinə Fransa, Cənubi Koreya, Monqolustan, Almaniya, Rusiya, İtaliya, Braziliya, Çexiya, Ukrayna, İspaniya, Gürcüstan, Hollandiya və digər ölkələrin yığmaları qatılıb.
Qeyd edək ki, Azərbaycan yığması mart - apreldə Gürcüstanın paytaxtı Tbilisidə və Türkiyənin Antalya şəhərində Qran-priyə qatılacaq.
