Həvəskar boks üzrə beynəlxaq assosiasiya (AİBA) hindistanlı idmançı Sarita Devini 1 illik diskvalikasiya edib. Sportnet.az-ın məlumatına görə, buna səbəb boksçunun Asiya oyunlarında qazandığı bürünc medaldan imtina etməsi olub.
Deviyə 2015-ci ilə kimi yarışlarda çıxış etmək qadağan edilib. O, həmçinin 1000 isveçrə frankı dəyərində cərimələnib. AİBA idmançını ömürlük də cəzalandıra bilərdi. Lakim Sarita hərəkətinə görə üzr istəyib və assosiasiyanın bu qərarına şad olduğunu bildirib.
Qeyd edək ki, Asiya oyunları 19 sentyabr - 4 oktyabr tarixləri arasında Cənubi Koreyanın İnçhon şəhərində keçirilib. Komanda hesabında ən çox medal qazanan isə Çin olub.
