Azərbaycan cüdoçusu Orxan Səfərov Çexiyanın paytaxtı Praqada keçirilən Avropa çempionatında final görüşünə çıxıb.
Sportnet.az-ın məlumatına görə, 66 kq çəki dərəcəsində mübarizə aparan idmançı İsrail təmsilçisi Fliker Tal ilə üz-üzə gəlib.
Qarşılaşmadan ipponla qalib ayrılan Səfərov qızıl medal qazanıb.
-------------------------------------------
Azərbaycan cüdoçusu Orxan Səfərov Çexiyanın paytaxtı Praqada keçirilən Avropa çempionatında yarımfinal görüşünə çıxıb.
Sportnet.az məlumatına görə, 66 kq çəki dərəcəsində mübarizə aparan idmançı bu raundda Serbiya təmsilçisi Straxinya Bunçiçlə üz-üzə gəlib.
Qarşılaşmadan ipponla qalib ayrılan Səfərov finala yüksəlib və ən azı gümüş medalı təmin edib. Cüdoçu finalda İsrail təmsilçisi Fliker Tal ilə qarşılaşacaq.
-------------------------------------------
Bu gün Çexiyanın paytaxtı Praqada cüdo üzrə Avropa çempionatı start götürəcək.
Sportnet.az-ın məlumatına görə, yarışın ilk günündə Azərbaycanın 6 idmançısı döşək üzərinə çıxacaq.
Kişilərin mübarizəsində 66 kq çəki dərəcəsində Nicat Şıxəlizadə 1/16 finalda Moldova təmsilçisi Vadim Bunesku, Orxan Səfərov isə italiyalı Manuel Lombardo ilə qarşılaşacaq.
Qadınlardan 48 kq-da Aişə Qurbanlı Distria Krasniç (Kosovo), Leyla Əliyeva Katarina Mentsi (Almaniya) məğlub etməyə çalışacaq. Hər iki cüdoçu mübarizəyə 1/8 finaldan start verəcək. 52 kq-da Gültac Məmmədəliyeva 1/8 final görüşündə gürcüstanlı Tetyana Levitska-Şukvani ilə qüvvəsini sınayacaq. 57 kq-da isə Aleksandra-Larisa Florian Niderland idmançısı Sanne Verhagenlə üz-üzə gələcək.
Avropa çempionatı
Kişilər
66 kq
1/8 final. Nicat Şıxəlizadə - Kilian Le Blouç (Fransa)
1/16 final. Nicat Şıxəlizadə - Vadim Bunesku (Moldova)
Final. Orxan Səfərov - Fliker Tal (İsrail)
1/2 final. Orxan Səfərov - Straxinya Bunçiç (Serbiya)
1/4 final. Orxan Səfərov - Sebastian Seidl (Almaniya)
1/8 final. Orxan Səfərov - Matey Polyak (Slovakiya)
1/16 final. Orxan Səfərov - Manuel Lombardo (İtaliya)
Qadınlar
48 kq
1/8 final. Aişə Qurbanlı - Distria Krasniç (Kosovo)
1/8 final. Leyla Əliyeva - Katarina Ments (Almaniya)
52 kq
1/16 final. Gültac Məmmədəliyeva - Tetyana Levitska-Şukvani (Gürcüstan)
57 kq
1/16 final. Aleksandra-Larisa Florian - Sanne Verhagen (Niderland)
Noyabrın 20-də Rüstəm Orucov, Telman Vəliyev və Murad Fətiyev, noyabrın 21-də isə Məmmədəli Mehdiyev, Zelim Kotsoyev, Elmar Qasımov, Uşangi Kokauri və İrina Kindzerska çıxış edəcək.
Qeyd edək ki, Avropa çempionatında 40 ölkədən 209 kişi və 136 qadın olmaqla, ümumilikdə 345 cüdoçu mübarizə aparacaq.
