Yeni mövsümdən I divizionda çıxış edəcək "Bakı” klubu yoxlama oyununda qüvvəsini sınayıb. Sportnet.az-ın klubun rəsmi saytına istinadən məlumatına görə, rəqib "Qaradağ Lökbatan” olub.
Görüş 1:1 hesablı heç-heçə ilə yekunlaşıb. "Bakı"nın qolunu Kamil Nurəhmədov vurub. "Bakı"nın təlim-məşq bazasında keçirilmiş görüşdə meydan sahiblərinin futbolkada deyil, məşq formasında olmaları diqqətdən yayınmayıb.
"Bakı"nın start heyəti: Elxan Əhmədov, Rəvan Kərimov, Elşad Manafov, Yusup Hakimov, Asif Mirili, Qeyrət Əliyev, Ülvi Quliyev, Sərxan İrzaquliyev, Salman Altuxanov, Kamil Nurəhmədov, Valeh Seyidov.
