"Şamaxı" Misli Premyer Liqasının VII turunda səfərdə "Kəpəz"i 2:0 hesabı ilə məğlub edib.
Sportnet.az xəbər verir ki, qonaqların baş məşqçisi Ayxan Abbasov oyundan sonra keçirilən mətbuat konfransında fikirlərini bildirib:
"Bilirdik ki, bizi çətin oyun gözləyir. "Kəpəz" üçün hər matç geridönüş etmək üçün fürsətdir. Futbolçularıma təşəkkür edirəm. İlk 15 dəqiqədə möhtəşəm mübarizə apardılar. Düzdür, çoxlu qol epizodlarından yararlana bilmədik. Amma bu, normaldır. Çox mühüm 3 xal qazandıq. Bundan sonra daha çətin olacaq. Yolumuza davam edəcəyik.
