Azərbaycan Kubokunda 1/4 finalın növbəti iştirakçısı bəlli olub.
Sportnet.az xəbər verir ki, 1/8 finalın ikinci oyununda “Araz-Naxçıvan” I Liqa təmsilçisi “Mingəçevir”ə 3:1 hesabı ilə qalib gələrək növbəti raunda yüksəlib.
Premyer Liqa klubunun heyətində 5-ci dəqiqədə Ülvi İsgəndərov, 21-ci dəqiqədə Bernardu Diaş, 66-cı dəqiqədə Sezar Meza Kolli fərqləniblər. “Mingəçevir”in yeganə qoluna isə 80-ci dəqiqədə Elmin Bayramov imza atıb.
Naxçıvan klubu 1/4 finalda “Zirə” – “Şamaxı” matçının qalibi ilə qarşılaşacaq.
Qeyd edək ki, Azərbaycan Kubokunda 1/8 final mərhələsinə dekabrın 4-də yekun vurulacaq.
Azərbaycan kuboku
1/8 final
3 dekabr (çərşənbə axşamı)
Qollar: Ülvü İsgəndərov, 5, Bernardo Dias, 21, Sezar Meza Kolli, 66 - Elmin Bayramov, 80
Baş hakim: Əkbər Əhmədov
