Azərbaycan Premyer Liqası təmsilçisi “Şamaxı” iki futbolçusu ilə yollarını ayırıb.
Sportnet.az xəbər verir ki, bu barədə klubun mətbuat xidməti məlumat yayıb.
Müdafiəçi Adil Nağıyev və yarımmüdafiəçi Giorgi Kantariya ilə müqavilələrə xitam verilib. Klubdan xitamın səbəbləri ilə bağlı açıqlama verilməyib: "Xitamın səbəbləri barədə klub hal-hazırda hər hansı bir başqa açıqlama verməyi lazım bilmir. Ümid edirik ki, media və kütləvi informasiya nümayəndələri bu mövqeyə anlayış göstərəcəklər".
Qeyd edək ki, "Şamaxı" bir neçə gün əvvəl İlkin Muradova "qapını göstərmişdi".
