Almaniya təmsilçisi "Bavariya"nın futbolçusu Leroy Sane maaşının azaldılması şərtilə klubda qalmaq niyyətindədir.
Sportnet.az “Sky Sport”a istinadən xəbər verir ki, futbolçu yayda başa çatacaq müqaviləsinin müddətini uzatmaq üçün maaşının azaldılmasına razı olsa da, Münhen təmsilçisi 29 yaşlı vingerə hələlik yeni anlaşma təklif etməyib.
Digər tərəfdən, İngiltərənin “Arsenal” klubu yayda onun transferində maraqlıdır və bu istiqamətdə danışıqlara başlayıb.
Qeyd edək ki, L.Sane 2020-ci ildə "Mançester Siti"dən (İngiltərə) “Bavariya”ya 49 milyon avroya transfer olunub. O, cari mövsümdə Almaniya klubunun heyətində meydana çıxdığı 36 oyunda 11 qola və 4 məhsuldar ötürməyə imza atıb.
