Vətən Müharibəsi Qəhrəmanı, şəhid polkovnik-leytenant Anar Əliyevin atası Vaqif Əliyev və tanınmış futbol veteranı, fəxri bədən tərbiyəsi və idman işçisi Tofiq Əliyev "Kəpəz" komandasının məşqində olublar.
Teleqraf klubun rəsmi saytına istinadən xəbər verir ki, fəxri qonaqlar məşqçilər korpusu və futbolçularla görüşüblər.
Onlar komandanın nəticələrini davamlı izlədiklərini bildirib, Qərb derbisində kollektivə uğurlar arzulayıblar.
Qeyd edək ki, "Kəpəz" XXXVI turda "Turan Tovuz"un qonağı olacaq. Mayın 25-də Tovuz şəhər stadionunda keçiriləcək görüş saat 17:00-da başlanacaq.
