“Mançester Siti”nin baş məşqçisi Xosep Qvardiola “Barselona”nın yarımmüdafiəçisi Lamin Yamalın çıxışı haqda danışıb.
Sportnet.az “BeIN Sports”a istinadən xəbər verir ki, ispan mütəxəssis 17 yaşlı futbolçunu Lionel Messi ilə müqayisə edib.
Qvardiola deyib: “O, öz yolu ilə getsin. Yamalın Messi səviyyəsinə çatıb-çatmayacağını zaman göstərəcək. İndi bir şey aydındır: Lamin çox istedadlı oyunçudur. Zədələrdən yayınsa, onun əla karyera qurmaq şansı var. Artıq 17 yaşında ən yaxşılardan biri hesab olunur və buna tamamilə layiqdir".
Qeyd edek ki, 2024/2025 mövsümündə Yamal bütün turnirlərdə 55 oyun keçirib, 18 qol vurub və 25 məhsuldar ötürmə verib.
