2026-cı il dünya çempionatının seçmə mərhələsində növbəti görüşlər keçirilib.
Sportnet.az xəbər verir ki, ümumilikdə 4 qrupda 8 qarşılaşma oynanılıb.
A qrupunda Almaniya millisi xalsız Lüksemburqu 4 cavabsız qolla darmadağın edib. İlk 2 turda bu komandaları məğlub etmiş Slovakiya isə səfərdə Şimali İrlandiyaya uduzub. Nəticədə qrupun turnir cədvəlində "üçhakimiyyətlilik" yaranıb.
B qrupunda itkisiz irəliləyən İsveçrə səfərdə İsveçi də yenərək, liderliyini davam etdirib. Sloveniya isə səfərdə Kosovo ilə heç-heçəyə razı olub.
D qrupunda Fransa millisi ardıcıl üçüncü qələbəsini Azərbaycan millisi üzərində 3 qolla qazanıb. İslandiya - Ukrayna görüşü isə daha məhsuldar alınıb. Qonaq komanda 5:3 hesabı ilə qalib gələrək, 4 xalla qrupda 2-ci yeri ələ keçirib. İslandiya 3 xalla 3-cü, Azərbaycan 1 xalla 4-cü yerdə gedir.
Nəhayət, 5 komandalı J qrupunda Belçika lider Şimali Makedoniya ilə heç-heçə edib. Nəticə Şimali Makedoniya birinci, Belçika ikinci yerdə qalıb. Qrupun digər qarşılaşmasında Qazaxıstan xalsız Lixtenşteynə böyük hesabla qalib gəlib - 4:0.
A qrupu
22:45. Almaniya - Lüksemburq - 4:0
22:45. Şimali İrlandiya - Slovakiya - 2:0
Xal durumu: Almaniya - 6, Şimali İrlandiya - 6, Slovakiya - 6, Lüksemburq - 0
B qrupu
22:45. İsveç - İsveçrə - 0:2
22:45. Kosovo - Sloveniya - 0:0
Xal durumu: İsveçrə - 9, Kosovo - 4, Sloveniya - 2, İsveç - 1
D qrupu
22:45. Fransa - Azərbaycan - 3:0
22:45. İslandiya - Ukrayna - 3:5
Xal durumu: Fransa - 9, Ukrayna - 4, İslandiya - 3, Azərbaycan - 1
J qrupu
18:00. Qazaxıstan - Lixtenşteyn - 4:0
22:45. Belçika - Şimali Makedoniya - 0:0
Xal durumu: Şimali Makedoniya - 12 (6 oyuna), Belçika - 11 (5), Uels - 10 (5), Qazaxıstan - 6 (6), Lixtenşteyn - 0 (6).
