"Neftçi" klubu 15 ilə yaxındır ev oyunları üçün yararlandığı “Palms Sports Arena”da əfsanəvi futbolçusu Anatoli Banişevskinin adını əbədiləşdirib.
Sportnet.az klubun rəsmi saytına istinadən xəbər verir ki, stadionun ən böyük tribunalarından biri – “Cənub” tribunası bu gün anadan olmasından 80 ili tamamlanan Anatoli Banişevskinin adını daşıyacaq.
Bununla “Neftçi” əfsanəvi “9 nömrə”nin adının əbədiləşdirilməsi yolunda növbəti addımı atıb.
“Palms Sports Arena“dakı “Anatoli Banişevski” tribunası klubun bundan sonrakı bütün ev oyunlarında ölkənin ən böyük və sadiq azarkeş ordusunun yolunu gözləyir.
