Azərbaycan Premyer Liqasının son turunda keçirilən "İmişli" – "Karvan" matçından sonra Rauf Rüstəmli Sportnet.az-a müsahibə verib.
— Oyun haqqında düşüncələrin?
— Son oyun idi, belə matçlara motivasiya olunmaq bir az çətin olur. Hər kəs artıq ev abu-havasında olurdu. Buna baxmayaraq, oyuna yaxşı köklənmişdik. Tez qol da vurduq. Amma buna baxmayaraq, son saniyələrdə qol buraxaraq 3 xaldan məhrum olduq.
— Mövsümü necə dəyərləndirərdin?
— Qarşımıza liqada qalmaq məqsədi qoyulmuşdu. Bunun öhdəsindən gələ bilmədiksə, bunu uğursuz saymaq olar. Amma əlimizdən gələni etdik ki, liqada qalaq.
— Bu sezon öz performansından razısanmı?
— Öz performansımı özümün qiymətləndirməyi yaxşı çıxmaz. Məşqçilər heyəti buna qərar versə, daha yaxşı olar. Mövsümü Sumqayıt FKda başlamışam, qışdan sonra isə Karvan FKa gəlmişəm. Komandada özümü yaxşı tərəfdən göstərmək üçün əlimdən gələni etdim.
Haşım MƏMMƏDOV
