Bu gün Azərbayan I Liqasına vəsiqə uğrunda pley-off oyunu keçiriləcək.
Sportnet.az xəbər verir ki, Şamaxı şəhər stadionunda "Şimal" və "Qaradağ Lökbatan" komandaları üz-üzə gələcək.
Saat 16:00-da başlanacaq görüşü FIFA referisi Kamal Umudlu idarə edəcək.
Xaçmazı təmsil edən "Şimal" klubu bu mövsüm I Liqada 27 oyundan 20 xalla 10 komanda arasında 9-cu yeri tutub.
Lökbatan təmsilçisi isə II Liqada 27 oyundan 71 xalla 2-ci olub.
Pley-off matçında "Şimal" qələbə qazansa, I Liqadakı yerini qoruyacaq, əks halda, II Liqaya enəcək.
"Qaradağ Lökbatan" isə qələbə təqdirində, bir ildən sonra I Liqaya qayıdacaq.
27 may (çərşənbə)
Pley-off oyunu
16:00. “Şimal” – “Qaradağ Lökbatan”
Hakimlər: Kamal Umudlu, Namiq Hüseynov, Vüsal Məmmədov, Elvin Bayramov
VAR: Fərid Hacıyev
AVAR: Şirmamed Mamedov
Hakim-inspektor: Anar Salmanov
AFFA nümayəndəsi: Zaur Hacı-Məhərrəmov
Şamaxı şəhər stadionu, 16:00
