Yeni mövsümdə həm Çempionlar Liqası, həm də La Liqada çempion olmağı hədəfləyən İspaniyanın "Real Madrid” klubu tranfer işlərini sürətləndirib.
Sportnet.az saytının məlumatına görə, madridlilər İtaliyanın "İnter” klubunun yarımmüdafiəçisi Mateo Kovaçiçi transfer etmək fikrindədir.
La Gazzetta dello Sport qəzeti bu haqda məlumat yayıb.
Məlumatda 21 yaşlı futbolçu üçün 35 milyon avro təklif olunduğu iddia olunub.
Qeyd edək ki, Kovaçiç 2013-cü ildə Xorvatiyanın "Dinamo Zaqreb” klubundan "İnter”ə keçmişdi. Milanlıların heyətində 80 oyuna çıxan xorvat futbolçu ümumilikdə 8 qol vurub.
