"Çempionatda ən bərbad oyunumuzu oynadıq". Sportnet.az-ın məlumatına görə, bunu "Rəvan"ın baş məşqçisi Emin Quliyev Azərbaycan Premyer Liqasının VIII turunda "Kəpəz"ə 0:2 hesabı ilə uduzduqları ev oyunundan sonra deyib.
O, komandanın hazırkı durumundan narazılığını gizlətməyib: "Əlimdə olan futbolçular bunlardır. Bəzi mövqelərə oyunçular istəmişdim, alınmadı. Çatışmazlıqlarımız var. Futbolçularımın bacardıqları budur. Əhval-ruhiyyə aşağı səviyyədədir. Ardıcıl məğlubiyyətlərdən sonra vəziyyət yaxşı deyil”.
