Avropa Liqasının qrup mərhələsi çərçivəsində Almaniyanın "Borussiya"(Dortmund) komandası ilə oyun öncəsi "Qəbələ" komandasının media nümayəndələri və azarkeşlərlərlə görüşü keçiriləcək. Sportnet.az-ın məlumatına görə, futbolçular və baş məşqçi Roman Qriqorçukun qatılacağı görüş zamanı media nümayəndələri və azarkeşlər arasında maraqlı müsabiqələr keçiriləcək, müxtəlif hədiyyələr sahiblərini tapacaq.
Azarkeşlərimiz sevdikləri futbolçuların imzalı formasını əldə etmək və onlarla şəkil çəkdirmək şansı qazanacaqlar. Saat 16:00-da başlanacaq tədbir Bakının Neftçilər pr. 151 ünvanındakı "Port Baku Mall"un 3-cü mərtəbəsində "Go Sport" İdman Malları Mağazasında təşkil olunacaq.
