"Qarabağ"ın qapıçısı İbrahim Şehiç "Monako" ilə Avropa Liqasının qrup mərhələsinin III tur matçı öncəsi fikirlərini açıqlayıb. Bosniya və herseqovinalı qapıçı rəqibin çox güclü olduğunu bildirib.
O deyib: "Monako"nun çıxışını ötən il izləmişəm. Vaxtilə Çempionlar Liqasında oyunlarına baxmışam. Ola bilsin, bəzi futbolçuları satıblar. Ancaq yenə də rəqibin gücünə şübhə yoxdur. "Monako” istedadlı gənc və təcrübəli usta futbolçuların vəhdətindən qurulmuş kollektivdir. Ona görə də diqqətli olmalıyıq”.
Qeyd edək ki, bu gün "II Lui" stadionunda keçiriləcək "Monako" - "Qarabağ" matçı Bakı vaxtı ilə saat 22:00-da başlanacaq.
