Bu gün Çempionlar Liqasının qrup mərhələsinə yekun vurulub. Sportnet.az-ın məlumatına görə, VI turun ikinci oyun günündə 1/8 final mərhələsinə son 5 vəsiqənin sahibi müəyyənləşib.
E qrupunda növbəti mərhələni təmin etmiş İspaniyanın "Barselona" klubu Almaniyada "Bayer"lə qarşılaşıb. Görüş heç-heçə ilə nəticələnib - 1:1. Qrupun digər oyununda İtaliya "Roma"sı ilə Belarus BATE-si də qalibi müəyyənləşdirə bilməyib - 0:0. Nəticədə "Barselona" qrup lideri, "Roma" 2-ci pillənin sahibi kimi 1/8 finala yüksəlib. "Bayer" isə qrup 3-cüsü kimi mübarizəni Avropa Liqasının 1/16 final mərhələsində davam etdirəcək.
F qrupunda "Bavariya" Xorvatiyanın paytaxtı Zaqrebdə "Dinamo"nu Robert Levandovskinin "dubl"u sayəsində üstələyib - 2:0. Qrupda 2-ci yerin sahibi isə Yunanıstanda "Olimpiakos"la İngiltərə "Arsenal"ı arasındakı görüşdə müəyyənləşib. Olivye Jirunun "het-trik"i "Arsenal"ı qrup 2-cisi kimi 1/8 finala çıxarıb. Əvəzində "Olimpiakos" Avropa Liqasına yollanıb.
C qrupunda hər 3 vəsiqənin taleyinə son turda aydınlıq gəlib. Qrupda aydınlaşan yeganə məsələ Tel-Əviv "Makkabi"sinin sonuncu pillədə qalacağı idi. Məhz Təl-Əviv komandası ilə görüşdə Ukraynanın "Dinamo" (Kiyev) komandası minimal hesablı qələbə sayəsiində mərhələ adlayıb. Bu qrupda ilk pilləni isə Portuqaliya "Portu"sunu 2 dəfə məyus edən İngiltərənin "Çelsi" komandası tutub. "Portu" mübarizəni Avroliqada davam etdirəcək.
Nəhayət, D qrupunda 1-ci yerin sahibi kimi mərhələ adlayan Rusiya "Zenit"i ardıcıl 5 qələbədən sonra Belçikada "Gent"ə uduzub - 1:2. Beləliklə, "Gent" də 1/8 finala yüksəlib. İspaniya "Valensiya"sı evdə Fransa "Lion"una uduzmasına baxmayaraq, Avroliqaya vəsiqə qazanıb.
Çempionlar Liqası, qrup mərhələsi. VI tur
9 dekabr.
E qrupu
23:45. "Bayer" (Almaniya) - "Barselona" (İspaniya) - 1:1
Qollar: Xavyer Ernandes, 23 - Lionel Messi, 20
Baş hakim: Mark Klattenburq (İngiltərə)
Baş hakim: Mark Klattenburq (İngiltərə)
Leverkuzen. "BayArena"
23:45. "Roma" (İtaliya) - BATE (Belarus) - 0:0
Baş hakim: Martin Atkinson (İngiltərə)
Roma. "Olimpik" stadionu
Xal durumu: "Barselona" - 13. "Roma" - 5. "Bayer" - 5. BATE - 4.
F qrupu
23:45. "Dinamo" (Zaqreb, Xorvatiya) - "Bavariya" (Almaniya) - 0:2
Qol: Robert Levandovski, 61; 64
Baş hakim: Martin Stremberqsson
Baş hakim: Martin Stremberqsson
Zaqreb. "Maksimir" stadionu
23:45. "Olimpiakos" (Yunanıstan) - "Arsenal" (İngiltərə) - 0:3
Qol: Olivye Jiru, 29; 49; 67-penalti ilə
Baş hakim: Nikola Ritssoli
Baş hakim: Nikola Ritssoli
Pirey. Georgios Karaiskakis stadionu
Xal durumu: "Bavariya" - 15. "Arsenal" - 9. "Olimpiakos" - 9. "Dinamo" - 3.
G qrupu
23:45. "Çelsi" (İngiltərə) - "Portu" (Portuqaliya) - 2:0
Qollar: İvan Markano, 12-öz qapısına. Villian, 52
Baş hakim: Cüneyt Çakır (Türkiyə)
Baş hakim: Cüneyt Çakır (Türkiyə)
London. "Stemford Bridj"
23:45. "Dinamo" (Kiyev, Ukrayna) - "Makkabi" (Tel-Əviv, İsrail) - 1:0
Qol: Denis Qarmaş, 16
Baş hakim: Born Keypers (Hollandiya)
Baş hakim: Born Keypers (Hollandiya)
Kiyev. "Olimpiya" stadionu
Xal durumu: "Çelsi" - 13. "Dinamo" - 11. "Portu" - 10. "Makkabi" - 0
H qrupu
23:45. "Gent" (Belçika) - "Zenit" (Rusiya) - 2:1
Qollar: Loran Depuatr, 18. Daniel Miliçeviç, 78 - Artyom Dzyuba, 65
Baş hakim: Manuel de Souza (Portuqaliya)
Baş hakim: Manuel de Souza (Portuqaliya)
Gent. Arteveldestadion
23:45. "Valensiya" (İspaniya) - "Lion" (Fransa) - 0:2
Qollar: Maksvel Korne, 37. Aleksandr Lakazette, 76
Baş hakim: Matey Yuq (Sloveniya)
Baş hakim: Matey Yuq (Sloveniya)
Valensiya. Mestalya Stadion
Xal durumu: "Zenit" - 15. "Gent" - 10. "Valensiya" - 6. "Lion" - 4.
Qeyd edək ki, artıq "Real Madrid" (İspaniya), PSJ (Fransa), "Volfsburq" (Almaniya), PSV (Hollandiya), "Atletiko" (İspaniya), "Benfika" (Portuqaliya), "Mançester Siti" (İngiltərə), "Yuventus" (İtaliya) klubları 1/8 finala vəsiqə qazanıblar.
