"Bizim üçün bütün oyunlar, xallar çox önəmlidir. "Kəpəz” keyfiyyətli oyunçulara malik mobil bir komandadır. Lakin mən futbolçulara demişdim ki, şanslarımız bərabərdir". Sportnet.az-ın məlumatına görə, bunu "Rəvan"ın baş məşqçisi Bəhmən Həsənov səfərdə "Kəpəz"lə 0:0 hesablı heç-heçə etdikləri Azərbaycan Premyer Liqasının XVI tur matçından sonra deyib.
Həsənov Gəncədə qazanılan 1 xala görə çox sevindiyini bildirib: "Ağıllı oyun sərgiləyən futbolçulara təşəkkür edirəm. Lazım olan nəticəni qazanıb evə dönürük. Artıq "Kəpəz”lə oyunu unudub, qarşıdakı matçlara hazırlaşacağıq”.
