"Qəbələ" klubunun qış fasiləsi zamanı Antalyada yoldaşlıq görüşü çərçivəsində üz-üzə gələcəyi komandalardan daha 2-si dəqiqləşib. Sportnet.az-ın məlumatına görə, sınaqçı rəqiblər İsveçrənin "Sürix", Almaniyanın "Osnabrük" və Ukraynanın "Dnepr" komandası olacaq.
Almaniyanın III liqa təmsilçisi ilə oyun yanvarın 16-də keçiriləcək. Ayın 20-də isə "Sürix"lə yoldaşlıq görüşü baş tutacaq. Ukrayna klubu ilə görüş isə böyük ehtimalla yanvarın 24-də olacaq.
Qeyd edək ki, "Qəbələ" yanvarın 10-dan 27-dək Antalyada təlim-məşq toplanışında olacaq.
