"Qəbələ"nin sabiq futbolçusu Andrey Kristya Rumıniyanın 1-ci liqa təmsilçisi "CSMS İaşi" klubu ilə anlaşıb. Sportnet.az-ın məlumatına görə, bu barədə klub prezidenti Florin Prunya yerli mətbuata açıqlamasında bildirib.
31 yaşlı hücumçu ilə ilyarımlıq müqavilə imzalanıb. Kristya 2014-cü ilin yayında "Qəbələ"yə gəlib və 2014/2015 mövsümünün qış fasiləsində komandadan ayrılıb.
Qeyd edək ki, "CSMS İaşi" 23 turdan sonra 32 xalla 7-ci pillədə qərarlaşıb.
