Bu gün Azərbaycan Premyer Liqasında daha iki görüş baş tutacaq. Sportnet.az-ın məlumatına görə, oyunlar Bakı və Sumqayıtda olacaq.
Günün ilk qarşılaşmasında "Sumqayıt" və "Zirə" komandaları üz-üzə gələcək. 18 xalla 8-ci pillədə qərarlaşan meydan sahibləri görüşdən 3 xalla ayrılarsa, ən yaxın qonşuları AZAL-la xal fərqini 4-ə endirəcək. Turnir cədvəlinin ikinci pilləsində dayanan "Zirə" isə çempionluq yoluna davam etmək üçün qələbə qazanmalıdır. Bu, Adil Şükürovun rəhbərlik etdiyi komandanı lider "Qarabağ"a bir az daha yaxınlaşdıracaq. Cari mövsümədək qarşılaşmayan komandaların ilk iki oyununda "Zirə" məğlub olmayıb. Qarşılaşmaların biri bərabərlik (0:0), digəri isə "Zirə"nin qələbəsi ilə başa çatıb (3:2).
Növbəti oyunda isə "Qarabağ" və "Xəzər Lənkəran" komandaları münasibətlərinə aydınlıq gətirəcəklər. Qurban Qurbanovun rəhbərlik etdiyi komanda qalib gələcəyi təqdirdə çempionluq yolunda ən yaxın izləyicisi "Zirə" ilə xal fərqini artıracaq. Mövsümün ikinci yarısına gənc heyətlə start verən "Xəzər Lənkəran" isə sonuncu pillələrdən qurtulmaq üçün mütləq qələbə qazanmalıdır. Belə olan halda 13 xalla 9-cu pillədə olan "ağ-yaşıllar" ən yaxın qonşusu "Sumqayıt"la xal fərqini 2-yə endirəcək.
Turun digər qarşılaşmaları fevralın 7-də keçiriləcək.
15:00. "Sumqayıt" – "Zirə" - 0:2
Qol: Nelson Bonilla, 4. Rəşad Abdullayev, 90+2
Qırmızı vərəqə: Emin Mehdiyev, 61
Hakimlər: Ömər Paşayev, Elman Musayev, Vüqar Bayramov, Ramil Əhmədov
AFFA nümayəndəsi: Şaiq Həmidov
Hakim-inspektor: Vüsal Əliyev
Sumqayıt. "Kapital Bank Arena"
17:30. "Qarabağ" – "Xəzər Lənkəran" - 3:0
Qollar: Danni 71, Riçard Almeyda 88, Samuel Armenteros 90+2
Hakimlər: İnqilab Məmmədov, Azər Əsgərov, Coşqun Həsənov, Mahir Məmmədov
AFFA nümayəndəsi: Vaqif Davudov
Hakim-inspektor: Kərim Ağayev
Bakı. Tofiq İsmayılov adına Suraxanı qəsəbə stadionu
Qeyd edək ki, turun açılış oyununda "Neftçi" "Rəvan"ı qəbul edib və matç 1:1 hesabı ilə başa çatıb.
