Bu gün futzal üzrə Azərbaycan milli komandası Serbiyanın paytaxtı Belqradda keçirilən Avropa çempionatında 1/4 final matçına çıxıb. Sportnet.az-ın məlumatına görə, rəqib Rusiya yığması olub.
"Belqrad Arena"da baş tutmuş qarşılaşma Rusiya yığmasının qələbəsi ilə yekunlaşıb - 6:2. Millimizin hər iki qolunu Auqusto vurub. Şimal qonşularımızdan isə Eder Lima het-trik, Sergey Abramov "dubl" müəllifi olub. Daha bir qola isə Romulo imza atıb.
Bununla da Azərbaycan yığması Avropa çempionatı ilə vidalaşıb. Rusiya millisi isə yarımfinalda Serbiyaya rəqib olub. Digər yarımfinalçılar isə Qazaxıstan - İtaliya cütünün qalibi ilə Portuqaliyanı 6:2 hesabı ilə yenməyi bacaran İspaniya olacaq.
Avropa çempionatı, 1/4 final
21:30. Rusiya - Azərbaycan - 6:2
Qollar: Sergey Abramov, 7; 26. Romulo, 15. Eder Lima, 25; 39. 40 - Auqusto, 8; 28
Rusiya: 12. Qustavo, 18. Daniel Davıdov, 3. Nikolay Pereverzev (k), 8. Eder Lima, 10.Robinyo
Ehtiyat oyunçular: 1. Sergey Vikulov, 2. Vladislav Şayakmetov, 5. Sergey Sergeyev, 7. Daniel Kutuzov, 14. İvan Milovanov, 15. Romulo, 4. Dmitri Lıskov, 9. Sergey Abramov, 17. Renat Şakirov
Baş məşqçi: Sergey Skoroviç
Azərbaycan: 12. Rövşən Hüseynli, 6. Eduardo, 15. Rafael, 9. Auqusto, 10. Amadeu
Ehtiyat oyunçular: 19. Elnur Zamanov, 3. Zeynal Zeynalov, 8. Rizvan Fərzəliyev (k), 2. Samir Həmzəyev, 4. Ramiz Çovdarov, 5. Fine de Araujo, 14. Vitali Borisov, 16. Xətai Bağırov, 18. Sergey Çuykov
Baş məşqçi: Faustino Peres
Hakimlər: Paskal Lemal (Belçika), Timo Onatsu (Finlandiya), Saşa Tomiç (Xorvatiya)
Belqrad, "Belqrad Arena"
