"Gərgin oyun keçdi. Bu rəqiblə matçlarımız həmişə belə keçir". Sportnet.az-ın məlumatına görə, bunu "İnter"in baş məşqçisi Zaur Svanadze AZAL-la 0:0 hesablı heç-heçə etdikləri Azərbaycan Premyer Liqasının XXI tur matçından sonra CBC Spot-a deyib.
O bildirib ki, komandası əvvəlki oyunlarla müqayisədə zəif təsir bağışlayıb: "Az qol vəziyyəti yaratdıq. Hücum xəttində Dieqo Martinsin gedişi komandamıza təsir etdi. Ümumiyyətlə, qışda "İnter"i 9 oyunçu tərk etdiyi halda, cəmi 2-ni gətirmişik. Kamran Ağayevin cəzası bu gün başa çatdı. Vüqar Nadirov üçün isə hələlik çətindir. Ona vaxt lazımdır".
Bununla belə, gürcüstanlı mütəxəssis "İnter"in yeni rəhbərliklə iş birliyini müsbət qiymətləndirib.
