Azərbaycan Premyer Liqasının XXI turunun "Kəpəz" - "Qarabağ" matçından öncə Gəncə şəhər stadionu ətrafında böyük qələbəlik yaşanır. Sportnet.az-ın oyuna ezam olunan əməkdaşının məlumatına görə, arenanın tribunalarına daxil olmaq üçün minlərlə tamaşaçı növbə gözləyir. Artıq tribunaların böyük hissəsi dolub. Onların arasında uşaqlar və qadınlar da yetərincədir. Əksəriyyəti gəncəli fanatlardan ibarət böyük auditoriya arasında "Qarabağ" fanatları da var.
Qeyd edək ki, oyun saat 15:00-da başlanacaq.
