AZAL klubu düşərgəyə yeni qoşulan Valid Xadraui və Hüseyn Mehrəzmanı geri göndərir. Sportnet.az-ın əldə etdiyi məlumata görə, baş məşqçi Tərlan Əhmədov bu futbolçuların xidmətində maraqlı deyil.
Dünən I Divizion təmsilçisi "Neftçala" ilə keçirilən görüşdə hər iki futbolçu əvəzlənib. AZAL-ın 2:1 hesabı ilə məğlub olduğu matçın 36-cı dəqiqəsində meydanı tərk edən Xadraui və Mehrəzman tezliklə düşərgədən ayrılacaq.
Qeyd edək ki, AZAL bundan öncə baxışda olan gürcüstanlı David Rajamaşvili, Pavle Xorquaşvili, polşalı Mateuş Staporski, bosniyalı Samir Merziçin xidmətindən imtina edib.
