"Kəpəz" futbol menecerlərinin klubu adından istifadə etməsi ilə bağlı bəyanat yayıb. Sportnet.az-ın məlumatına görə, bəyanatda futbolçuları bu cür insanlara inanmamağa çağırır.
Bəyanatda deyilir: "Son dövrlər bəzi "işbaz" menecerlər tərəfindən "Kəpəz"in adından istifadə etməklə İrandan və bəzi ölkələrdən Azərbaycana futbolçular dəvət olunur. Belə oyunçulara klubun adından yalandan müəyyən vədlər verilir.
Nəzərinizə çatdırırıq ki, "Kəpəz"in belə menecerlərlə heç bir əlaqəsi yoxdur və futbolçuları bu cür insanlara inanmamağa çağırırıq. Əks təqdirdə bütün məsuliyyət onların öz üzərinə düşəcək".
