Azərbaycan Kubokunun 1/4 final mərhələsinin cavab görüşündə "Rəvan"ı qəbul edəcək "İnter"in zədəli futbolçuları məşqlərə qoşulur. Klubdan Sportnet.az-a verilən məlumata görə, artıq 3 futbolçu komandayla birgə məşqlərə başlayıb.
Bunlar müdafiəçi Laşa Kasradze, yarımmüdafiəçilər Mirsahib Abbasov və Mirhüseyn Seyidovdur.
"Qarabağ"la oyunda zədələnən Fuad Bayramov və uzun müddətdir zədədən əziyyət çəkən Rauf Əliyev isə komandanın oyununu tribunadan izləməli olacaqlar.
Qeyd edək ki, "İnter" - "Rəvan" oyunu martın 9-da "İnter Arena"da keçiriləcək. İlk görüşdə "Rəvan" 2:1 hesablı qələbə qazanıb.
