"Neftçi" komandası "Xəzər Lənkəran"la martın 9-da keçirəcəyi Azərbaycan Kubokunun 1/4 final mərhələsinin cavab görüşü öncəsi son məşqinə çıxıb. Sportnet.az-ın məlumatına görə, yeni baş məşqçi Vəli Qasımov məşqdən razı qaldığını bildirib.
Onun fikrincə, futbolçuların motivasiya və konsentrasiyaları çox böyükdür: "İnanıram ki, sabahkı görüşdə hər şeylərini qoyaraq, meydanı qələbə ilə tərk edəcəklər".
Qeyd edək ki, "Neftçi" və "Xəzər Lənkəran" arasındakı Azərbaycan Kubokunun 1/4 final mərhələsinin cavab görüşü saat 17:30-da başlanacaq. Oyunu FİFA referisi Rəhim Həsənov idarə edəcək.
