"Nelson Bonilyanın yoxluğu göz qabağında idi. İrəlidə dişsiz idik. Nurlan Novruzov çalışsa da, Bonilyanın yoxluğunu unutdura bilmədi". Sportnet.az-ın məlumatına görə, bunu "Zirə"nin baş məşqçisi Adil şükürov deyib.
Azərbaycan Premyer Liqasının XXVII turunda səfərdə "Kəpəz"lə keçirilən oyundan danışan baş məşqçi ağır oyun olduğunu bildirib: "Kəpəz" həqiqətən də böyük komandadır. Biz bunu qiymətləndiririk. Penalti planlarımıza daxil deyildi. Bu oyun nəticə olmasa da, o biri oyunlara hazırlaşacaqsınız. Bununla belə, uşaqlar vuruşdular, əziyyət çəkdilər".
A.Şükürov qapılarına vurulan ilk qoldan danışıb. O, penalti epizodunu belə dəyərləndirib: "Məncə, penalti var idi. Çünki Budaq artıq topla idi və toxunuş vardı".
A.Şükürov komandanın planlarında penaltinin olmamasını və bundan sonra komandanın qopduğunu deyib: "Penaltidən sonra daha çox hücuma getməyə çalışdıq. Bunun da nəticəsində qapımızda ikinci topu gördük. Bununla belə qarşıda 9 oyunumuz var. Bu oyunu yaddan çıxarmaq, qarşıdakı oyunlara hazırlaşmaq lazımdır".
