17 yaşadək futbolçulardan ibarət Azərbaycan yığmasının qapıçısı Məmməd Hüseynov ağır xəsarət alıb. Sportnet.az-ın məlumatına görə, xoşagəlməz hadisə Avropa çempionatının qrup mərhələsinin Belçika ilə oyunda baş verib. Matçın 59-cu dəqiqəsində rəqibin hücumu zamanı Hüseynov Belçikada forma geyinən Jules Vanhaeke ilə toqquşub. Nəticədə əlcək azərbaycanlı qolkiper huşununu itirib və yerdə qalıb. Komanda həkimlərinin, Təcilli Tibbi Yardım əməkdaşlarının köməyi nəticəsində Hüseynov özünə gəlib və birbaşa xəstəxanaya aparılıb. Onun yerinə qapıda Salman İbrahimov yer alıb.
Qeyd edək ki, ilk hissədə müdafiəçimiz Vaqif Həsənov aldığı zədə üzündən əvəzlənməli olub.
