Portuqaliyanın 17 yaşadək futbolçulardan ibarət yığma komandası (U-17) tarixində 2-ci dəfə Avropa çempionatının finalına çıxıb. Sportnet.az-ın məlumatına görə, bu ölkənin U-17-si 2003-cü ildə də həlledidi matçda iştirak edib.
Maraqlıdır ki, həmin vaxt çempionatın qalibi olan portuqaliyalılar finalda İspaniyanı məğlub edib - 2:1. İspanların yarımfinalda oynadığını nəzərə alsaq, 13 il öncə Finlandiyadakı final bu dəfə Azərbaycanda təkrarlana bilər. Ancaq Pireney derbisibin olması üçün İspaniya hazırda Almaniya ilə davam edən yarımfinalda qalib olmalıdır ki, ilk hissədən sonra hesabda 0:1 geridədir.
Portuqaliya U-17-si Avropa çempionatının final mərhələsində 2002-ci ildən çıxış edir və bu müddətdə qızılla yanaşı, bürünc medalı da hesabına yazıb. Bu, çempion olduqdan sonrakı ildə Fransada keçirilən turnirdə 3-cü yer tutmasıdır.
