Kolumbiyanın Medelyin şəhərində futzal üzrə dünya çempionatının finaı mərhələsinin püşkatma mərasimi keçirilib. Sportnet.az-ın məlumatına görə, püşk nəticəsində Azərbaycan milli komandasının da rəqibləri müəyyənləşib.
Millimizin adı ən sonda çıxıb və ən sonuncu - F qrupuna İran, İspaniya, Mərakeşlə birgə düşüb.
Qrupların tərkibi:
A qrupu: Kolumbiya, Portuqaliya, Özbəkistan, Panama
B qrupu: Tailand, Rusiya, Kuba, Misir
C qrupu: Paraqvay, İtaliya, Vyetnam, Qvatemala
D qrupu: Ukrayna, Braziliya, Mozambik, Avstraliya
E qrupu: Argentina, Qazaxıstan, Solomon adaları, Kosta Rika
F qrupu: İran, İspaniya, Mərakeş, AZƏRBAYCAN
Qeyd edək ki, final mərhələsi bu ilin sentyabrın 10-dan oktyabrın 1-dək Kolumbiyanın 3 şəhərində - Medelyinlə yanaşı, Kali və Bukaramanqada olacaq.
--------------------------------------------------------------------------------------------
Bu gün Kolumbiyada futzal üzrə dünya çempionatının finaı mərhələsinin püşkü atılacaq. Sportnet.az-ın məlumatına görə, Azərbaycan millisinin də yer aldığı mundialda qrupların tərkibi Medelyin şəhərində keçiriləcək mərasimdə müəyyənləşəcək.
Dünya çempionluğu uğrunda mübarizə aparacaq 24 yığma püşk öncəsi hərəsində 6 olmaqla 4 səbətə bölünüb. Bu zaman reytinq, yığmaların son dünya çempionatında nəticələri nəzərə alınıb. Millimizin tarixində ilk dəfə final mərhələsində iştirak edəcəyindən sonuncu səbətdə yer alacağı və rəqiblərinin güclü olacağı əvvəldən məlumdur.
Final mərhələsində 6 qrup olacaq ki, bunlar A, B, C, D, E və F adlanacaq. FİFA coğrafiyanı nəzərə alaraq hər qrupda 4 müxtəlif konfederasiyanı təmsil edən yığmaları yerləşdirəcək. İstisna yalnız bir qrupda olacaq ki, orada iki Avropa təmsilçisi çıxış edəcək. Meydan sahibi Kolumbiyanın A qrpunda yer alacağı indidən bəllidir.
Bakı ilə Medelyin arasında böyük saat fərqi olaraq püşkütma mərasimi bizim vaxtla 19-dan 20-nə keçən gecə saat 3-də başlayacaq.
Xatırladaq ki, final mərhələsi bu ilin sentyabrın 10-dan oktyabrın 1-dək Kolumbiyanın 3 şəhərində - Medelyinlə yanaşı, Kali və Bukaramanqada olacaq.
Püşkatmada səbətlərin tərkibi
1-ci səbət: Kolumbiya, Braziliya, İspaniya, İtaliya, Argentina, Rusiya
2-ci səbət: İran, Ukrayna, Portuqaliya, Paraqvay, Misir, Kosta-Rika
3-cü səbət: Solomon adaları, Tailand, Mərakeş, Panama, Qvatemala, Avstraliya
4-cü səbət: AZƏRBAYCAN, Kuba, Mozambik, Qazaxıstan, Özbəkistan, Vyenam
