Futbol üzrə Azərbaycan Kubokunda "Qarabağ"la "Neftçi" arasında keçiriləcək final matçının hakimləri açıqlanıb. Sportnet.az-ın PFL-in rəsmi saytına istinadən məlumatına görə, qarşılaşma keçmiş FİFA referisi Fariz Yusifova tapşırılıb.
Ona Yaşar Abbasovla Elman Musayev yan xətt, Munis Abdullayev dördüncü hakim, Rəhim Həsənovla Ömər Paşayev əlavə köməkçi hakimlər qismində yardımçı olacaqlar. AFFA nümayəndəsi Elbrus Abbasov, hakim-inspektor Əli Hüseynovdur.
Qeyd edək ki, Tofiq Bəhramov adına Respublika stadionundakı matç saat 20:00-da başlanacaq.
